اسلام آباد 12جنوري (اے پي پي) د توان وفاقي وزير حماد اظهر وئيلي دي چې د پاكستان تحريك انصاف حكومت د مسلم ليګ (ن) دور څخه په ورثه كښې ترلاسه شوې ديواليه معيشت په كوټلې بنيادونو روان كړې دې، ضمني مالياتي بل 90 فيصده ټيكس بيرته وركړې كېږي، يواځي په لګژري څيزونو ټيكس لګولې شوې د كوم به چې په اولس څه بوجھ نه پريوځي، د پټرول او ډيزل بيعه په پاكستان كښې د ګڼو هېوادونو څخه كمه ده ، 2019ء نه پس د ګاز بيعه نه ده زياته شوې،د نړۍ په مقابله كښې په پاكستان كښې د ډي اے پي بيعه كمه ده، اولس ته حقائق او د شميرې په بنياد خپله خبره ورسول زمونږ مقصد دې، اپوزيشن چې څومره هم ډنډوره وكړي يا شور وكړي مونږ به د ريړهې والا او ملازمانو د اكاؤنټس څخه روپ٬ راوباسو ځكه چې دا د اولس روپۍ دې۔د شورو په ورځ قومي اسمبلۍ كښې په ضمني مالياتي بل د بحث په مهال د پيپلز ګوند چيئرمېن بلاول بھټو زرداري د اړخه په ضمني مالياتي بل پورته شوې نكات ځواب وركولو سره حماد اظهر ووئيل مونږ په تحمل سره د د مخالفې ډلې مشر او بلاول بھټو زرداري تقريرونه اوريدلې دي كله چې مونږ ځواب وركوو نو هغوې پښې اوباسي، هغوې حوصله ، صبر او همت نه لري چې حقائق واوري۔ حماد اظهر ووئيل مسلم ليګ ن چې كوم معيشت پرېښودلې ؤ هغه ناروغه نه بلكه ديواليه معيشت ؤ، مونږ واجب الادا قرضې هم نه شوې وركولې۔د ملګرو هېوادونو په مرسته پاكستان د ديواليه كيدو څخه بچ شوې۔مونږ د حسابات جاريه ريكارډ خسارے سره مخ ؤ ، د سختو پريكړو د لارې مونږ معيشت سنبھال كړې ، كووډ۔19 وبا او معاشي ستونزو باوجود تير كال د جي ډي پي بړھوتري شرح څلور فيصده وه۔ وفاقي وزير ووئيل كووډ۔ 19 نړيوالي وباﺀ په تناظر كښې وزيراعظم عمران خان د پوهې پريكړې كړې۔ اپوزيشن لارښودو د لاك ډائون د لارې د هېواد بندولو حمايت كولو، كه چرې مونږ د هغوې خبره منلې وې نو نن به ګراني نوره هم زياته وې۔نړيوالو مالياتي ادارو او جريدو د پاكستان پاليسي ستائلې ده۔ نړيوالې جريدې اكانومسټ پاكستان د هغه هېوادونو په فهرست كښې شامل كړې چرته چې كورونا وائرس وبا نه پس ژوند په تندۍ سره معمول له مخې راغلې۔ حكومت د ډيټا او حقائق په بنياد كورونا وائرس په اړه پاليسۍ جوړې كړې نن ټوله نړۍ دغه خبره مني۔زمونږ حكومت د برېښنا پيداواري كمپنيو سره بيا لوظنامې كړې كومو څخه چې هېواد ته لويه ګټه شوې۔ده ووئيل د تيرو حكومتونو غلطۍ مونږه سمې كړي۔ حماد اظهر ووئيل دا مهال په ټوله نړۍ كښې ګراني ده۔ فنانشل ټائمز تيره ورځ په خپل رپورټ كښې وئيلي چې مالداره هېوادونو كښې هم د تيرو 25 كلونو ريكارډ ګراني ده۔ پيپلز ګوند په دور كښې د ګرانۍ شرح 25 فيصده وه ، مونږ سره د ګرانۍ احساس شته دې سره غريب طبقه ځپلې كېږي۔ كه د دې صحيح تجزيه وكړې شي نو كووډ۔19 نړيوالې وباﺀ په وجه چې رسد كښې كوم خلل راغلې د هغې په وجه نړيواله منډۍ كښې بيعې زياتې شوې۔ كه مونږ كارخانې بندې كړو نو د ګرانۍ شرح دې سره زياتيېږي۔ وفاقي وزير ووئيل احساس پروګرام ترمخه په معاشي توګه غريب او پسمانده طبقو له 200 اربه روپۍ وركړې شوي۔ خېبرپښتونخوا نه پس انصاف صحت كارډ آسانۍ پاتې صوبو كښې وركولې كېږي ۔ دا د حكومتي روپو ښه استعمال دې۔بايد په سندھ كښې هم دا نظام لاګو كړې شي خو د سندھ حكومت په دې كښې مرسته نه كوي۔ حماد اظهر ووئيل تير كال د معيشت د پرمختګ شرح 4 فيصده او سږ كال 5 فيصده ده۔ سږ كال د ټيكس وصوليو حجم 6 زره اربه روپو څخه زيات شوې۔ نجي څانګې له د قرضو وركولو كښې 50 فيصده اضافه شوې ده۔ده ووئيل 2008ء نه تر 2018ء په صنعتي توګه پاكستان ستونزو سره مخ ؤ ۔ د مسلم ليګ (ن) په دور كښې درآمدات سيلاب راغلې چې له امله ئې د هېواد معيشت ته زيان شوې۔د دې برعكس زمونږ په دور كښې لويو صنعتونو پيداوار كښې 15 فيصده بړھوتري شوې۔ پاكستان يو ځل بيا د انډسټريلائزيشن پلو مخ په وړاندې روان شوې۔ مشينري درآمدات كښې اضافه شوې۔ ده ووئيل د ټولو فصلونو پيداوار كښې مسلم ليګ (ن) دور په مقابله كښې يو په دوه اضافه شوې ده۔ وفاقي وزير ووئيل د يوريا كمې مونږ منو خو دا هم يو حقيقت دې چې هېواد كښې د يوريا پيداوار په كال 2021ء كښې تر ټولو زيات ؤ۔دغسې تير كال ريكارډ يوريا خرڅ شوې۔ نړيواله منډۍ كښې د ډي اے پي بيعه كښې يو په درې زياتوالې شوې۔ده ووئيل قاچاق او ذخيره اندوزي هم د يوريا د كمي يوه وجه ده۔ سندھ كښې چيني او غنم مږي خوري۔ سندھ كښې كرپشن د رياست نظام كمزورې كړې دې۔ دا خبره زه نه بلكه د عدالت عظميٰ محترم ججانو صاحبان كړې ده۔ وفاقي وزير په بيلو څيزونو د ټيكسونو په اړه د بلاول بھټو زرداري ادعا هم چيلنج كولو سره ووئيل هغه د حقائق څخه نه دې خبر۔ حقيقت دا دې چې ضمني مالياتي بل كښې 90 فيصده ټيكس صارفين ته نه منتقل كېږي بلكه دا ري فنډ يا ايډجسټ كېږي۔ 300 اربه روپۍ ټيكس كښې 270 اربه ټيكس ري فنډ ايبل او ري ايډجسټ ايبل دې۔ ضمني مالياتي بل د لارې معيشت دستاويزي كېږي،زه په دې خوشحاله يم چې د اپوزيشن ځينې غړي هم د دې حمايت كوي
حكومت ته په ورثه كښې ترلاسه ديواليه معيشت په كوټلې بنيادونو روان كړې دې، ضمني مالياتي بل كښې 90 فيصده ټيكس تر صارفين نه منتقل كېږي،د اپوزېشن ځينې غړي د ضمني مالياتي بل د لارې معيشت دستاويزي جوړولو حمايت كوي، حماد اظهر
مضمون کا ماخذ : لوٹومینیا
متعلقہ مضامین
