اسلام آباد ۔16 جون(اے پی پی) وزیراعظم دے مشیر برائے خارجہ امور سرتاج عزیزآکھیا جو پاکستان دی سرحد دے اندر پاک سرزمین اچ بارڈر منیجمنٹ اتے نقل و حرکت کوں ریگولیٹ کرنڑ سانگے اقدامات چاونڑ کہیں ڈو پاسہ معاہدے یا عالمی قانون دی خلاف ورزی کائنی ،طورخم بارڈر تے پاکستانی علاقے اچ گیٹ دی تنصیب دا مقصد اتھاں تھیونڑ آلی افرادی یا گاڈیاں دی نقل و حرکت کوں دستاویزی اتے ریگولیٹ کرنڑ اے،افغان حکام کوں ڈو مہینے پہلے ڈسا ڈتا ہئی جو پہلی جون2016ء توں پاک افغان بارڈر تے نقل و حرکت کوں باقاعدہ دستاویزی شکل ڈے ڈتی ویسی۔افغان وزیر خارجہ اتے نیشنل سیکیورٹی ایڈوائزر کوں دعوت ڈتی اے جو او ایں مسئلے تے گالھ مہاڑ سانگے پاکستان آون جنہاں کوں انہاں سراہیاں۔خمیس کوں قومی اسمبلی دے اجلاس اچ طورخم بارڈر تے پاک افغان فورسز وچال کشیدگی اتے افغانستاں ولوں فائنرگ تے پالیسی بیان ڈیندیں ہوئیں مشیر خارجہ آکھیا جو 12جون کوں افغان فورسز وچال کشیدگی اتے افغانستان ولوں بلااشتعال فائرنگ کیتی جئیں اچ 9سویلین زخمی تھیے اتے ایں فائرنگ نال زخمی تھیونڑ آلے میجر علی جواد 14جون کوں شہید تھی گئے۔ایں گیٹ دا مقصد پاکستان اتے افغانستان وچال طویل سرحد تے نقل و حرکت کوں باقاعدہ بنڑاونڑ اتے دہشت گردی دی روک تھام سانگے کیتے ونجنڑ آلے اقدامات دا ہک جزو اے۔14جون کوں شہید تھیونڑ آلے پاکستانی میجر دی شہادت تے وی پاکستان ولوں سخت احتجاج ریکارڈ کرایا گئے اتے افغانستان ولوں بلااشتعال فائرنگ روکنڑ دا مطالبہ کیتا گئے۔
افغان حکام کوں ڈو مہینے پہلے ڈسا ڈتا ہئی جو پہلی جون2016ء توں پاک افغان بارڈر تے نقل و حرکت کوں باقاعدہ دستاویزی شکل ڈے ڈتی ویسی،’ مشیر خارجہ سرتاج عزیزدا قومی اسمبلی دے اجلاس اچ پالیسی بیان
مضمون کا ماخذ : como jogar lotomania
متعلقہ مضامین
