مشرقی تیموروانگوں کشمیر دے عوام کوں وی انہاں دا ناقابل تنسیخ حق خودارادیت ڈتا ونجے، جموں تے کشمیر دے عوام اپنڑے جائز حق خودارادیت کوں مسلسل دبائے ونجنڑ دے خلاف احتجاج دا جمہوری حق استعمال کر یندے پن
اسلام آباد ۔ 4 اکتوبر (اے پی پی) جموں تے کشمیر بارے اچ وزیراعظم دے نمائندگان خصوصی سینیٹر مشاہد حسین سید اتے رکن قومی اسمبلی ڈاکٹر شذرا منصب آکھیا جو مشرقی تیموروانگوں کشمیر دے عوام کوں وی انہاں دا ناقابل تنسیخ حق خودارادیت ڈتا ونجے، جموں تے کشمیر دے عوام اپنڑے جائز حق خودارادیت کوں مسلسل دبائے ونجنڑ دے خلاف احتجاج دا جمہوری حق استعمال کر یندے پن ۔جیں دا وعدہ کئی قراداداں اچ اقوام متحدہ دی سلامتی کونسل کیتا ہے ۔انہاں اے گالھ مہاڑ افغانستان تے پاکستان بارے امریکی خصوصی نمائندے سفیر رچرڈ اولسن تے امریکی محکمہ خارجہ اچ بئے سینئر حکام دے نال واشنگٹن اچ اپنڑی ملاقا ت اچ کیتی ۔امریکہ اچ پاکستان دے سفیر جلیل عباس جیلانی وی انہاں دے نال ہن ۔دفتر خارجہ توں جاری بیان دے مطابق خصوصی نمائندے امریکی عہدیداراں کوں ڈسایا جو مقبوضہ کشمیر اچ جاری عوام دی تحریک مقامی تے از خود ہے جیں کوں نوجوان کشمیری حریت پسند ،برہان وانی دی ماروائے عدالت شہادت دے بعد تقویت ملی ہے ۔مشاہد حسین تے شذرا منصب انہاں کوںمقبوضہ کشمیر ،جیرھے جو کرہ ارض تے ساریں توں ودھ تعداد اچ فوجی تعیناتی دا علاقہ ہے ،اوندے اچ بے گناہ نہتے شہریاں دے خلاف بھارتی فوج ولوں انسانی حقوق دی منظم خلاف ورزیاں اتے وحشیانہ ظلم دستاویزی ثبوت بارے وی ڈسایا ۔
جموں تے کشمیر بارے اچ وزیراعظم دے نمائندگان خصوصی سینیٹر مشاہد حسین سید اتے رکن قومی اسمبلی ڈاکٹر شذرا منصب دی امریکی خصوصی نمائندے سفیر رچرڈ اولسن اتے امریکی محکمہ خارجہ اچ بئے سینئر حکام نال گالھ مہاڑ
مضمون کا ماخذ : ڈریگن کی قسمت
متعلقہ مضامین
