کوئٹہ ۔ 25 اکتوبر (اے پی پی) وزیر اعظم محمد نواز شریف چیف آف آرمی سٹاف جنرل راحیل شریف تے وزیر داخلہ چوہدری نثار علی خان دے نال منگل کوں سنڈیمن سول ہسپتال کوئٹہ دا دورہ کیتا اتے اتھاں پولیس ٹریننگ سنٹر اُتے دہشت گرد حملے اچ زخمی تھیونڑآلے کیڈٹس دی صحت بارے پوچھیا۔ وزیر اعظم نواز شریف ایں موقعے تے متعلقہ حکام کوں زخمیاں کوں سارے دستیاب طبی علاج اتے سہولتاں ڈیونڑ دی ہدایت کیتی، اتے آکھیا جو زخمیاں دے علاج اُتے آونڑآلا سارے خرچہ حکومت چیسی ۔سرجیکل اتے آرتھوپیڈک وارڈز دے دورے دے موقعے تے وزیر اعظم سارے پولیس کیڈٹس دی خیریت پوچھی ، جیہڑے جو سنوار اتے منگل دی وچالی رات ٹریننگ سنٹر اُتے خود کش حملیاں اچ زخمی تھئے ہن ۔ وزیر اعظم دے انل چیف آف آرمی سٹاف جنرل راحیل شریف،وفاقی وزیر داخلہ چوہدری نثار علی خان،گورنر بلوچستان محمد خان اچکزئی،وزیر اعلی بلوچستان نواب ثنا اللہ خان زہری،قومی سلامتی بارے وزیر اعظم دے مشیر لیفٹننٹ جنرل (ر)ناصر خان جنجوعہ،کامنڈر ساوتھرن کمانڈ لیفٹننٹ جنرل عامر ریاض،صوبائی وزیر داخلہ میر سرفراز بگٹی،چیف سیکرٹری بلوچستان سیف اللہ چھٹہ،آئی جی ایف سی بلوچستان میجر جنرل شیر افگن اتے آئی جی پی بلوچستان احسن محبوب وی ہن ۔ وزیر اعظم اتے چیف آف آرمی سٹاف حملے اچ زخمی تھیونڑآلے ہک ہک کیڈٹ دی خیریت پوچھی۔ پروفیسر ڈاکٹر مسعود قاضی اتے پروفیسر ڈاکٹر حمید اللہ خان پانیزئی کاکڑ وزیر اعظم اتے آرمی چیف کوں زخمیاں دی صحت بارے ڈسایا۔
وزیر اعظم نواز شریف دا آرمی چیف جنرل راحیل شریف اتے چوہدری نثار علی خان دے نال سنڈیمن سول ہسپتال کوئٹہ دا دورہ
مضمون کا ماخذ : لوٹیریا سانتا کیٹرینا
متعلقہ مضامین
