منډی بهاؤ الدین ۔18فروری(اے پی پی) وزيراعظم عمران خان وئيلي دي اپوزيشن چې د عدم اعتماد تحريك په شمول كوم هم پلان راوړي مونږ چمتو يؤ٬ دوي به يو ځل بيا ماتې وخوري٬ نواز شريف د ناروغتيا په بهانه له هېواد څخه پښې ويستلې دي ٬ تر كومې مو لوټ كړې شوې پېسه بېرته اخستې نه وي غله به نه پرېږدو٬ د ګرانۍ سبب په نړيواله كچه د څيزونو په بيعو كښې زياتوالې دې٬ هر وخت دا سوچ كوم چې عامو وګړو ته ريليف څنګه وركولې كېدې شي۔ د دې خيالاتو څرګندونه هغه د جمعې په ورځ د اولسي رابطه مهم په لړ كښې اولسي غونډې ته خطاب كښې وكړه۔ په دې مهال د وفاقي وزيرانو او د قومي اسمبلۍ غړي هم موجود وو۔ هغه ووئيل كله چې په خېبر پختونخوا كښې زمونږ حكومت جوړ شو نو مونږ ته به دا وئيل كېدل چې چرته دې نوې خېبر پختونخوا ؟ خو چې څه وخت په كال 2018ء كښې په خېبر پختونخوا كښې ټاكنې وشوې نو اولس مونږ ته په درې كښې دوه برخې اكثريت راكړو او دا ځكه چې زمنوږ په دور كښې په خېبر پختونخوا كښې په تندۍ سره په بې وزلۍ كښې كمې رامخې ته شوې وو۔ هغه ووئيل اپوزيشن يرېدلې دې٬ فضل الرحمن دوئي يروي چې زر تر زره حكومت لمينځه يوسۍ ګني د كال 2023 ټاكنې هم لاړې۔ هغه ووئيل دا غله او ډاكوان يرېدلې دي٬ له 20 كالو څخه دوئي يو بل ته غله او ډاكوان وائي۔ هغه ووئيل مقصود چپړاسي د كشر مياں په رمضان شوګر مل كښې د 15 زره روپو ملازم وو ٬ اېف آئي د هغه بېنك اكاؤنټ كښې د 375 كروړه روپو درك لګولې دي۔ په دې كشر مياں خپل ځوې د شپې شپېې لندن ته په مخه كړو٬ بيا ئې ځوم هم ولېږلو۔ ه دوئي ته به اېن آر او وركولې نه شي۔ وزیراعظم ووئيل نن د هېواد عدالتونه آزاد دي ٬ نن په عدالتونو څوك بريدونه نه كوي ٬ مونږ د عدالتونو احترام كوؤ۔ هغه ووئيل تر كومې چې ژوندې يم د غلو مقابله به كوم۔ وزيراعظم ووئيل كله چې دوئي زما په ضد په سپريم كورټ كښې كېس وكړو نو زه بهر ته تښتېدلې نه وومه٬ په ما سپريم كورټ كښې ودرېدو سره ثابت كړه چې زه صادق او امين يم۔ وزیراعظم ووئيل اپوزيشن دا خبره كوي چې په هېواد كښې ګراني زياته شوې ده ٬ په دې كښې شك نشته چې ګراني زياته ده٬ زه هر وخت دا سوچ كوم چې اولس ته ريليف څنګه وركړم۔ هغه ووئيل خبريالان دې د ګرانۍ اسباب هم بيانوي ٬ د كورونا د لاسه په ګرده نړۍ كښې د څيزونو اوړل راوړل اغېزمن شول چې ورسره د څيزونو بيعې زياتې شوې۔ 8، 9 مياشتې وړاندې مو په 40 ډالر في بېرل پېټرول درآمد كول نن په 90 ډالر برآمد كوؤ۔ مونږ په اولس بوج كمولو له ټېكسونو او ډيوټي كښې كمې وكړو چې له امله ئې حكومت هره مياشت د 70 اربه روپو زيان پورته كوي۔هغه ووئيل په اولني ځل د
پاكستان خارجه پالېسي آزاده ده، پاكستان د كوم بل هېواد نه ډكټېشن نه اخلي ، د تېرو حكومتونو په دور كښې به په پاكستان ډرون بريدونه كېدل ، زمونږ اتحادي هېواد به په مونږ بمباري كوله او زمونږ واكمنو به خاموشۍ سره د دې تماشه كوله۔ هغه ووئيل زمونږ په دور كښې ډرون بريدونه ولې نه كېږي۔ وزیراعظم ووئيل په هېواد كښې د آئي ټي په څانګه كښې بدلون راغلې دې۔ په اولني ځل په هېواد كښې د آئي ټي برآمدات 70 فيصده زيات شوي دي۔ دې سره به د روزګار موقعې زياتې شي۔ د کامیاب پاکستان لاندې دوه نوې پروګرامونه راوړلې شي ٬ د سود نه پاكې قرضې ځوانانو ته وركولې شي ٬ دې سره سره په اولني ځل هرې يوې كورنۍ ته د 10 لكه روپو هېلت انشورنس وركولې شي او هغوي به د هېلت كارډ د لارې وېړيا درملنې كولې شي۔ هغه ووئيل تر مارچ مياشتې به ټولو ته د هېلتھ انشورنس صحت كارډ ترلاسه شي دې لپاره 400 اربه روپۍ بېلې كړې شوي دي۔
اپوزيشن چې د عدم اعتماد تحريك په شمول كوم هم پلان راوړي مونږ چمتو يؤ٬ نواز شريف د ناروغتيا په بهانه له هېواد څخه پښې ويستلې دي٬ تر كومې مو لوټ كړې شوې پېسه بېرته راوړې نه وي غله به نه پرېږدو ٬ د وزيراعظم عمران خان د رابطه مهم په لړ كښې اولسي غونډې ته خطاب
مضمون کا ماخذ : quina prêmio acumulado
متعلقہ مضامین
