كراچۍ 11 مئي (اے پي پي)پخواني صدر او د پاكستان پيپلز پارټي شريك چيئرمېن آصف علي زرداري وئېلي دي د انتخابي اصلاحاتو نه پس به ټاكنې كولې شي٬مونږ به پاكستان قوي كوو۔د دې خيالاتو څرګندونه ده په سنده كښې د وزيراعلٰې په كور د شورو په ورځ يو خبري كنفرنس په مهال وكړه۔په دې موقع د سندھ وزيراعلٰی سيد مراد علي شاه او د سندھ د كابينې غړي موجود وو٬آصف علي زرداري ووئيل مونږ كله وئېلي چې ټاكنو څخه يرېږو٬مونږ سليكټډ د سياسي قوت د لارې اخوا كړے٬ما په وړومبۍ ورځ وئېلي وو چې هغه هېواد نشي چلولے ٬ ده ووئېل عمران خان خپلو ملګرو پرېښودے دے ځكه چې هغه د وګړو سره سياسي لوظونه پوره نه كړل۔ ده ووئېل سليكټډ ته ما په پارليمان كښې وئېلي وو چې اكنامك چارټر جوړ كړه٬هغه له ما د اكنامك چارټر تجويز وركړو خو په دې هغه كله پوهېدو۔آصف علي زرداري ووئيل زما په نظر كښې پاكسان چې څوك چلولے شي نو هغه مونږ يو٬د وزيراعظم جوړولو لپاره مونږ د پي ټي آئي كوم ووټ نه دے اخستے۔ده ووئيل مونږ دا كله وئېلي چې ټاكنې نه كوو٬د انتخابي اصلاحاتو نه پس به ټاكنې كولې شي٬د عمران خان د اړخه د نوو انتخاباتو په غوښتنه آصف علي زرداري ووئيل حكومت كښې د راتللو سره هغوي په څلورو كلونو كښې څه كړي٬په ټاكنو كښې به هغه څه وكړي ۔ده ووئيل اوس نوے حكومت جوړ شوے٬حالات قابو كولو كښې به وخت لګي٬د ګرانۍ په حقله ده ووئيل د پېټرولو بيعې مونږ زياتول نه غواړو٬كه د پیټرول بيعه زياته شي نو د دې سره ضروري ټول څيزونه به ګرانېږي٬ ده ووئېل مونږ له خو د خلقو د كور نغري بلول دي۔د اسټاك ماركيټ په حقله ده ووئيل اسټاك اېكسچنج وس اودرېدو٬د پروېز مشرف دور نه پس هم مونږ سټاك ايكسچېنج راپورته كړے ؤ ۔ده ووئيل تر څو چې د آئي اېم اېف پروګرام نه وي راغلے تر هغې به مونږ په مشكلات كښې يو٬په هېواد كښې د اوبو كمي په حقله ده ووئيل د اوبو لويه مسئله ده د اوبو مسئله به ډېر زر حل كړی شي٬د امريكې مراسلې په حقله ده ووئيل ما كومه مراسله نه ده لوستې٬په عامه توګه د امريكې سفير داسې الفاظ نه استعمالوي۔د ډالر بيعې زياتېدو په حقله ده ووئيل زما په دور كښې به هم ډالر لاندې بره كېدو خو د 60 څخه بره نه و تللے ٬د يوې پوښتنې په ځواب ده ووئيل كراچۍ زمونږ د ټولو لويه اثاثه ده٬مونږ كراچۍ له فنډ وركوو۔
د انتخابي اصلاحات نه پس به ټاكنې كولې شي٬مونږ به پاكستان قوي كوو۔ د پخوانې صدر آصف علي زرداري پرېس كنفرنس
مضمون کا ماخذ : ہیوگو 2
متعلقہ مضامین
