اسلام آباد 28 اګست (اے پي پي)د پاكستان مسلم ليګ(ن)قائد محمد نواز شريف په ټول هېواد كښې د بدتره سېلاب په نتيجه كښې په ځاني او مالي زيان خواشيني ښودلو سره ټول قام٬شتمن خلكو او د ګوند مشرانو او كاركنانو ته خواست كړې چې دوي دې ټول ذاتي او سياسي مصروفيات ترك كولو سره د سېلاب ځپليو په مرسته كښې ځان بوښت كړي٬پرېشان حال خلك ستاسو د مرستې په انتظار دي۔د اتوار په ورځ په خپل يو وېډيو پېغام كښې محمد نواز شريف ووئيل چې په سېلاب او طوفاني بارانونو كښې ځاني او مالي زيان سره انفراسټركچر ته سخت زيان رسېدلې۔ده ووئيل چې په ځاني او مالي زيان ډېر خفه يم خو دا وخت د خپلو اعمالو د جاج اخستلو او د توبې هم دې۔مونږ ته به د دې خبرې جاج هم اخستل وي چې چرته زمونږ د خپلو اعمالو او غلطو په وجه خو په مونږ دا آفت نه دې راغلې۔ده ووئيل چې د ژوند د ټولو څانګو خلكو شتمنو او ادارو څخه خواست دې چې ټول دې د سېلاب ځپليو د بحالۍ په چارو كښې برخه واخلي۔په ځپليو سيمو كښې دې طبي او رېليف كېپمونه ولګولې شي۔د انسانيت خذمت دې وكړی شي۔ده وزيراعظم محمد شهباز شريف او د هغه ډلې ته هم شاباشې وركړو كوم چې په سېلاب ځپليو سيمو كښې د مرستې په چارو څارنه كوي۔هغه ووئيل چې مريم نواز شريف به هم ځپليو سيمو ته ځي او د ځپليو مرسته به كوي۔تاسو هم وړاندې راشۍ او د چا چې هر څه سېلاب وړي د هغوي په بحالۍ كښې كردار ترسره كړئۍ۔محمد نواز شريف ووئيل چې دعا ده چې لوے څښتن دې مونږ ته په رېښتنې معنی د غم جن انسانيت د خذمت توفيق راكړي٬د سېلاب نه دې نجات راكړي او د ځپليو د بحالۍ په صورت كښې دې زمونږ مرسته وكړي
ټول قام٬شتمن خلك او د ګوند مشران او كاركنان دې ټول ذاتي او سياسي مصروفيات ترك كولو سره د سېلاب ځپليو په مرسته كښې ځان بوښت كړي۔د مسلم ليګ(ن)قائد نواز شريف وېډيو پېغام
مضمون کا ماخذ : کنگ میکر
متعلقہ مضامین
