اسلام آباد ۔ 04 ستمبر (ا?? پی پی) وفاقی محتسب محمد سلیمان فاروقی دی ہدایت تے ساری دنیا اچ پاکستان دے 116ملکاں اچ سفارتخانیاں باہرلے ملکاں اچ راہونڑآلیاں پاکستانیاں دیاں شکایتاں ہفتہ وار بنیاداں تے سنڑنڑ شروع کرڈتن، اتے باہرلے ملک راہونڑآلیاں پاکستانیاں دیاں شکایتاں دے ازالے بارے رپورٹاں وفاقی محتسب کوں پٹھیاں ویندیاں پن۔ اتے گالھ وفاقی محتسب دے اعلیٰ صلاح کار اتے گریوینس کمشنر برائے اوورسیز پاکستانیز حافظ احسان احمد کھوکھر ”ا?? پی پی” کوں ڈسائی ۔ انہاں آکھیا جو جنہاں ملکاں اچ پاکستان دے کمیونٹی ویلفیئر اتاشی تعینات ہن انہاں ملکاں اچ راہونڑآلیاں پاکستانیاں دیاں شکایتاں سکائپ اتے ویڈیو لنک دے ذریعہ سنڑن?? دا فیصلہ کیتا گئے ۔ ابتدائی طور تے سعودی عرب، اٹلی، مسقط اتے بئے ملکاں اچ راہونڑآلے پاکستانیاں دیاں شکایتاں سکائپ اتے ویڈیو لنک دے ذریعہ سنڑیاں ویندیاں پن ۔ انہاں آکھیاجو وفاقی محتسب وزارت سمندر پار پاکستانیز ، اوور سیز پاکستانیز فائونڈیشن اتے بیورو آف امیگریشن کو ںہدایت کیتی ہے جو 18 دسمبرکوں باہرلے ملک راہونڑآلیاں پاکستانیاں دے قومی ڈینھ دے طور تے مناونڑ کیتے اقدامات کیتے ونجن۔ ایں ڈینھ کوںمناون?? دا مقصد باہرلے ملک راہونڑآلیاں 81 لکھ پاکستانیاں دی ملک کیتے خدمات دا اعتراف کرنڑاں ہے ۔ انہاں آکھیا جو سٹیٹ بینک آف پاکستان ، وزارت سمندر پار پاکستانیز اتے بیورو آف امیگریشن دے تعاون نال بینکاں دے ذریعہ باہرلے ملکاں اچ راہونڑآلیاں پاکستانیاں دے ترسیلات زر اچ ودھارے کیتے اقدامات کیتے ویسن۔ انہاں آکھیا جو باہرلے ملکاں اچ راہونڑآلیاں پاکستانیاں کیتے آگہی مہم تکھے شروع کیتی ویسی ۔ ایں ??ارے مختلف ملکاں اچ تعینات کیتے گئے نویں ??نفارمیشن آفیسرز کوں آندے ہفتے بریفنگ کیتے سڈ گھدا گئے ۔
116 ملکاں اچ سفارتخانیاں پاکستانیاں دیاں شکایتاں ہفتہ وار بنیاداں تے سنڑنڑ شروع کرڈتن، ازالے بارے رپورٹاں وفاقی محتسب کوں پٹھیاں ویندیاں پن , گریوینس کمشنر برائے اوورسیز پاکستانیز حافظ احسان احمد
مضمون کا ماخذ : números da sorte loteria
متعلقہ مضامین
