اسلام آباد۔10اکتوبر(اے پی پی) صدر مملکت آصف علی زرداری پاکستان اچ رہݨ آلے چینی شہریاں دا تحفظ اتے سلامتی یقینی بݨاوݨ سانڳے پاکستان دے عزم دا اعادہ کریندے آکھیے کراچی اچ دہشت گردی دے ایں ݙراکلے جرم دے مرتکب لوکاں کوں انصاف دی کچاری اچ گھن آیا ویسی ، دشمن عناصر دی بزدلانہ کارروائیاں دوستاں وچال دوستی دے ڳانڈھے کوں کچا نی کرسڳدیاں ۔ ایوان صدر دے پریس ونگ موجب صدر مملکت آصف علی زرداری چین دے سفارت خانے دا دورہ کیتے۔صدر مملکت چین دے پاکستان اچ سفیر جیانگ زئے دونگ نال م??اقات کیتی ۔صدر مملکت 7 اکتوبر کوں دہشت گردانہ حملے اچ چینی شہریاں دی ہلاکت تے پاکستان?? حکومت اتےعوام دی طرفوں دلی تعزیت کیتی ۔ صدر مملکت آصف علی زرداری ݙکھے ویلھے چینی بھرا تے بھیݨاں نال یکجہتی دا اظہار کیتے۔ انہاں آکھیے چین?? حکومت اتے عوام دا پاکستان دی سماجی و اقتصادی ترقی اچ اہم کردار اے ۔ ݙوہیں ملکاں دے دشمن ݙوہیں ریاستاں وچال ودھدی شراکت داری نی ݙیکھ سڳدے
