اسلام آباد۔31اکتوبر(اے پی پی) وفاقی وزیر قانون، انصاف تے انسانی حقوق سینیٹر اعظم نذیر تارڑ نال پاکستان اچ یو این ویم?? اتے انٹرا ایجنسی جینڈر اینڈ ڈویلپمنٹ گروپ (آئی این جی اے ڈی) دے نمائندیں ملاقات کیتی ۔ ملاقات دا مقصد پاکستان اچ صنفی مساوات اتے تریمتاں دے حقوق دے ودھارے سانڳے قومی عزم ک??ں مزید تقویت ݙیوݨا اے۔ ملاقات اچ یو این ویمن دی ماریا ہولٹسبرگ، کامن ویلتھ اینڈ ڈویلپمنٹ آفس دے اینڈریو بوڈ?? اتے یورپی یونین دے جیرون ولیمزدے علاوہ اہم بین الاقوامی نمائندے وی شریک ہن ۔انھاں نمائندیں وفاقی وزیر کوں عالمی تجربیں دا ݙسائے ت?? پاکستان اچ مضبوط صنفی بنیاد تے ڈھانچے اتے آگاہی پروگراماں دی تشکیل اچ بین الشعبہ جاتی تعاون دی اہمی?? کوں اجاگر کیتے۔ایں اعلی سطحی مکالمے اچ پاکستان اچ تریمتاں کوں پیش آندے مسئلے تے رکاوٹاں مکاوݨ سانڳے حکمت عملیاں اتے ہدفی اقدامات تے زور ݙتا ڳئے ۔ وزارت انسانی حقوق توں جاری پریس ریلیزموجب اعظم نذیر تارڑ حکومت دے تریمتاں دے حقوق دے ودھارے تے مسلسل اقدامات تے روشنی پاتی جیں اچ دفتران اچ تریمتاں کوں ہراساں کیتے ونڄݨ دے خلاف تحفظ دا قانو?? اتے تریمتاں دی جائیداد دے حقوق دا نفاذ جیھے اہم قوانین شامل ہن۔ انھاں کوششاں دا مقصد پاکستان دے بین الاقوامی معاہدیں، جیویں جو تریمتاں دے خلاف ہر قسم دے امتیازی سلوک مکاوݨ دے کنونشن (سی ای ڈی اے ڈبلیو) دے تحت کیتے ڳئے وعدے کوں پورا کرݨ اے جیں توں تریمتاں سانڳے مساوی موقع تے تحفظ یقینی بݨایا ونڄ سڳے وفاقی وزیرمزید آکھیے جامع اتے شراکتی طریقے دی اہمی?? کوں منیندے ہوئیں وزارت انسانی حقوق مقامی اتے بین الاقوامی شراکت داراں نال رل تے صنفی بنیاد تے تشدد مکاوݨ اچ مرداں تے چھوہراں کوں اتحادی دے طور تے رلیندی پئی اے صنفی بنیاد تے تشدد مکاوݨ اچ مرداں دی شمولیت سانڳے قومی حکمت عملی، جیڑھی یو این ایف پی اے ت?? پاکستانی این جی او روزن دی سانجھ نال تیار کیتی ڳئی اے دا مقصد معاشرتی تبدیلی کوں ودھارا ݙیوݨ اے جیں دے تحت ضیان دہ صنفی تصورا?? کوں چیلنج کیتا ونڄ سڳے تے تشدد دے خلاف مرداں دی ذمہ واری کوں ودھارا ݙتا ونڄے ۔وزارت انسانی حقوق اق??ام متحدہ دی مختلف ایجنسیاں نال رل تے صنفی مرکوز اقداما?? کوں اڳوں ودھیندی پئی اے ۔ اہم شراکت داریاں اچ اق??ام متحدہ تریمتاں نال مشترکہ ورک پلان، یونیسیف نال ھک رولنگ ورک پلا?? اتے یو این ڈی پی نال کاروبار اتے انسانی حقوق تے قومی ایکشن پلان تے عمل درآمد شامل ہن۔ اے کوششاں تریمتاں ک??ں مزید بااختیار بݨیسن ، قومی ترقی اچ انھاں دے کردار ک??ں مستحکم کریسن ھک مزید جامع معاشرے دی تشکیل اچ مدد ݙیسن۔
