اسلام آباد 06 اکتوبر (اے پي پي) د قانون وفاقي وزير فروغ نسيم وئيلي دي د نېب د نوي چېئرمېن ټاكنه به د صدر٬قائد ايوان او د اپوزېشن لارښود د مشاورت نه پس كوٶ، د مشاورت نه وروستو كه اتفاق راپېدا نشو نو د چيئرمېن ټاكنې پحقله به د قامي اسمبلۍ سپيكر پارلماني كمېټي جوړوي٬ كومه كښې چې به شپږ حكومتي او شپږ د اپوزيشن غړي شامل وي۔ دا خبرې د قانون وفاقي وزير د اطلاعات او خپرونو وفاقي وزير چوهدري فواد حسېن سره په ګډه خبرې كنفرنس كښې وكړې۔ ده ووئيل عام خيال دا ٶ چې سوداګره ورورولي او بېوروکرېسي د نېب قانون څخه تنګ وو ٬ دا د هېواد مهمې ستنې دي٬ نجي كسان په بشپړه توګه د نېب د واك اختيار نه بهر كړے شوي٬ ځينې آفس هولډرز پروسيجنل لېپسز لري خو د دوي نېتونه سم دي ٬ د افس هولډر پروسيجنل لېپسز هم د نېب اختيارات نه رابهر كړے شوي۔ ده ووئېل د نېب په آرډيننس كښې بېورو كرېسي لپاره په نېك نيتۍ بدلون رامخې ته كوو٬ كه په داسې بدلونونو د اتفاق راغلو نو د ټېكس چارې به اېف بي آر ته منتقل كړې شي۔ ده ووئېل د نېب آرډيننس څخه به كېسونه نه ختمېږي بلكې فورم به بدلېږي٬ اېف بي آر هم د جرمانو لګولو٬ ريكوري كولو او د ټېكس چارو حلكولو اختيار لري، اېف بي آر تحقيقات كولې شي۔ ده ووئيل د بده مرغه د بېورو کرېسي په معامله اپوزيشن خنډ جوړ شوے٬ د بده مرغه اپوزيشن د نېب چيئرمېن ټاكنې په ارډينينس هم سياست كړے٬ اپوزيشن د نېب په ترميم كښې خپل 34 تراميم راوړاندې كړي۔ ده ووئيل دا آرډينس د قانون سازۍ برخه دے كوم اېكزيکټو پاور نه دے۔ ده ووئېل د قانون سازۍ دوه طريقې دي يوآرډيننس او بله لاره د پارلمان پلو د تللو ده ۔ وفاقي وزير فروغ نسيم ووئيل په هېواد كښې د نېب د 90 عدالتونو جوړولو سفارش شوے ٬ مونږ دومره ججان نه لرو چې په موجوده ججانو كښې د احتساب په عدالتونو كښې ججز تعينات كړو، ډسټرکټ اېنډ سېشن ججز په احتساب عدالتونو كښد ججانو په حېث لګېدےشي٬ دريټائرډ ججز د چا عمر چې د 68 كالو نه كم وي ھغوي هم جج لګېدے شي خو د دوي کنسلټېشن به چيف جسټس آف پاکستان څخه كېږي،په احتساب عدالتونو كښې به ججز د اړوند هائي كورټس د چيف جسټس په مشاورت لګېږي۔ ده ووئيل د نېب چيئرمېن ټاكنې لپاره وزيراعظم عمران سره يو شمېر غونډې شوي٬ د نېب د نوي چېئرمېن ټاكنه به د صدر٬ د قائد ايوان او اپوزېشن لارښود د مشاورت نه پس كوٶ، د مشاورت نه وروستو كه اتفاق رانغلو نو د چيئرمېن ټاكنې پحقله به د قامي اسمبلۍ پسيكر پارلماني كمېټي جوړوي٬ كومه كښې چې به شپږ حكومتي او شپږ د اپوزيشن غړي شامل وي۔وفاقي وزير فروغ نسيم ووئيل د نېب چيئرمېن لپاره لفظ نان اېکسټينډ اېبل بدل كړے شوے ٬ د نوي چيئرمېن تر ټاكنې به د نېب موجوده چيئرمېن وظيفه ترسره كوي او دې به ټول اختيارات هم لري٬ د اوسني چيئرمېن كاركردګي د ټولو په وړاندې ده۔ ده ووئېل د نېب چيئرمن مس کنډيکټپحقله ګيله به جوډيشل کونسل ته كېدې شي٫ كه د نېب چيئرمېن د سزا جزا معامله وي نو دا معامله به سپريم جوډيشل کونسل ته وړاندې كولې شي۔ ده ووئيل د پراسيکيوټر جنرل کردار تر ډېر حده زياتوٶ، په نظام كښې سپېځلتيا لپارهپراسيکيوټر جنرلمهم کردار لوبولے ٫ د نېب بشپړه اداره به پراسيکيوټر جنرل ته د خپلې خوښې مشورهوركوي، پروسيکيوټر جنرل به د خپل فائنډنګنه پس د نېب چيئرمېن له صلاح وركوي چې دا كېس دې جاري وساتلے شي يا دې ود ډرا كړے شي۔ وفاقي وزير فروغ نسيم ووئيل د ضمانت پحقله واك هائيکورټ ته وركوٶ٬ د ضمانت وركولو يا نه وركولو اختيار به عدالت سره وي، وړومبے به داسې كېدل چې تر لسو لسو كالو سزا باوجود به خلق په نوكرو كښې وٶ٬ سزا وار ملازمين دې پخپلهاستعفي وركړي ٬ ګني نو د دې قانون له مخې به دوي نااهل كړے شي۔ ده ووئيل زما او د اطلاعات او خپرونو وفاقي وزير چوهدري فواد حسېن په بيانيه كښې هېڅ فرق نشته٬ زمونږ د دواړو بيانيه كښې د فرق پحقله خبرې بې بنسټه او دروغ دي۔
د نېب چيئرمېن ټاكنه به د صدر،قائد ايوان او د اپوزېشن لارښود د مشاورت نه پس كوٶ۔ د قانون وفاقي وزير فروغ نسيم
مضمون کا ماخذ : números da sorte loteria
متعلقہ مضامین
.jpg)
.jpg)
.jpg)