اسلام آباد۔14دسمبر(اے پی پی) د اطلاعاتو او خپرونو وفاقي وزيرې مريم اورنګزېب وئيلي دي چې عمران خان د نوازشريف پېل كړې شوې پروژو لوحې بدلې كړې ٬ زمونږ لخوا پېل كړې شوې پروژې يۍ بندې كړې٬ د يوتھ پروګرام نامه بدلولو سره يۍ دې ته د كامياب جوان نامه وركړه ٬ 80 فيصده منصوبې يۍ بندې كړې ٬ د منصوبو لوحې بدلولو سره د منصوبو مخ په وړاندې بوتللو اهليت نه ترلاسه كېږي٬ عمران خان ټولنه ٬ ځوانان فساد ٬ تقسيم او انتشار سره مخ كړل٬ د عمران نيت كه سم وې نو وزيراعظم هاؤس به يۍ د سازشونو او انتقام مركز نه جوړولو٬ عمران خان طيبه ګل اغواﺀ كولې شوه خو ده كمپنۍ رابللو سره د ځوانانو د روزګار خبره ونكړې شوه ٬ دا ځكه چې په هېواد وزيراعظم نه بلكې يوه پروپېګنډه ډله مسلط وه كومې چې په څلور كاله كښې معيشت او روزګار تباه كړو۔ د دې خيالاتو څرګندونه دې د شورؤ په ورځ د ځوانانو چارو لپاره د وزيراعظم خاص مرستيالې شزه فاطمه سره په ګډه خبري كنفرنس ته خطاب كښې وكړه۔ دې ووئيل منصوبې هغه وخت كاميابې وي كله چې نيت صفا او ترجيح د پاكستان اولس وي۔ دې ووئيل كه پي ټي آئي يو سياسي ګوند وې نو دې به په سياسي مخالفينو د دروغو تورونو لګولو په ځائې د هېواد پرمختګ لپاره كار كړې وو۔ وفاقي وزيرې ووئيل شهباز شريف اقتدار ترلاسه كولو سره د ځوانانو د پروګرام په بحالۍ كار پېل كړو ٬ شزه فاطمه ته د دې پروګرام ذمه واري وسپارلې شوه ٬ په دې پروګرام كښې د بېلو طبقو ځوانانو مسئلو ته كتلو سره دا يو وارې بيا پېل كولې شي۔ دې ووئيل په تېرو څلورو كلونو كښې د كامياب جوان پروګرام نامې سره د دې پروګرام لوحه خو بدله كړې شوه خو هغه ټولې منصوبې كومې چې مونږ پېل كړې وې په هغو كښې 80 فيصده بندې كړې شوې۔ دې ووئيل د پرائم منسټر يوتھ پروګرام لاندې ځوانانو لپاره وړې لويې قرضې بحال كولې شي كومې چې تېر حكومت بندې كړې وې۔ دې ووئيل د 15 نه تر 29 كال عمر لرونكو ځوانانو ته به د بېلو پراجكټس د لارې د روزګار موقعې وركولې شي۔ د دې پروګرام لاندې د انووېشن ايوارډز وركولو منصوبه هم شته۔ دې سره سره په لوبو كښې د ځوان كول شموليت سره داسې موقعې رامخې ته كولې شي چې ورسره نه يوازې دا چې روزګار رامخې ته كړی شي بلكې د ځوانانو سكلز هم وده وكړي۔ دې ووئيل دا د پاكستان د 68 فيصده ځوانانو آبادۍ لپاره يو مثبت پروګرام دے كوم چې د وزيراعظم شهباز شريف ترجيح دے۔ دې ووئيل شهباز شريف دې نه وړاندې په كال 2011 كښې په پنجاب كښې د لېپ ټاپ سكيم په شمول ځوانانو لپاره يو شمېر منصوبې پېل كړې وې۔ د خبريالانو د پښتنو په ځواب كښې دې ووئيل په كال 2010 كښې د دغه وخت وزيراعظم په واشنګټن كښې د پاكستان د دوه ودانيو د رنګ روغن احكامات جاري كړې وو ٬ په دې كښې يوه وداني بشپړ شوې ده كومه چې په كرايه وركولو له تياره ده٬ خارجه وزارت په دې اړه كار كوي٬ د دويمې ودانۍ بيا رغونه نه ده شوې٬ امريكې په كال 2018 كښې د دې ودانۍ سفارتي سټېټس ختم كړې وو٬ كال 2019 څخه تر دې دمه د پاكستان حكومت 13 لكه ډالره د دې ودانيو د ټېكس په مد كښې ادا كړي دي ٬ كه دا ودانۍ خرڅه نه كړې شي نو هره مياشت به مونږ له د يو لك ډالرو ادائيګي كول وي۔ دې ووئيل انټر منسټیریل كمېټۍ د دې ودانۍ د خرڅولو پرېكړه كړې ده۔ كابينې پرېكړه كړې چې دا ودانۍ دې په فوري توګه خرڅه كړې شي۔ دې ووئيل كه دا پرېكړه وړاندې شوې وه نو ډېره به ښه وه۔ دې ووئيل په كال 2013 كښې ځوانانو مسلم ليګ نون ته زيات ووټونه وركړې وو په كومو كښې چې د مېرمنو شمېره هم زياته وه۔ دې ووئيل د تېرو څلورو كلونو په مهال ځوان كول يوازې اړي ګړي ٬ فساد او تقسيم سره مخ كړے شو ٬نن پي اېچ ډي ډګري لرونكي ځوانان بې روزګاره دي۔ دې ووئيل په كال 2013 كښې چې نواز شريف كومه منصوبه پېل كړه وه كه هغه روانه پاتې شوې وه نو نن به ددې د بحالۍ په ځايې دې ته وده وركولې شوه۔ دې ووئيل په تېرو څلور كلونو كښې اېل اېن جي په دوه ډالره ترلاسه كېده دغه وخت وانخستې شوه۔ دې ووئيل كه د پي ټي آئي مقصد ځوانانو ته روزګار وركول او د هېواد پرمختګ وو نو نن به ځوانانو ته يو كروړ ملازمتونه او 50 لكه وګړو ته كورونه ترلاسه شوې وو۔ دې ووئيل منصوبې هله كاميابې وي كله چې نيت صفا وي او ترجيح د پاكستان اولس وي۔ دې ووئيل د تاجكستان صدر دوره ډېره مهمه ده ٬ د آئي ټي او تجارت په شمول په بېلو برخو كښې لوظنامې كېدونكي دي٬ د ټېكنالوجي بهترۍ له مونږ تاجكستان سره همكاري كولو پلو روان يؤ٬ دې نه ځانله د دوشنبے او اسلام آباد ترمينځه سټي اېم او يو لاس ليك كېدونكې ده كومه چې ډېره مهمه ده۔ دې ووئيل د مفاهمت كوم يادښتونه چې لاس ليك شي د هغې تفصيلات به ميډيا ته وركولې شي۔
عمران خان د نوازشريف پېل كړې شوې پروژو لوحې بدلې كړې٬ زمونږ لخوا پېل كړې شوې پروژنې يۍ بندې كړې٬ لوحو بدلولو سره د منصوبو مخ په وړاندې بوتللو اهليت نه ترلاسه كېږي٬ مريم اورنګزېب
مضمون کا ماخذ : ولف گولڈ
متعلقہ مضامین
.jpg)
.jpg)
