اسلام آباد۔19ستمبر(اے پی پی) پاک افغان تعاون فورم (پی اے سی اېف) د بشري مرستې په توګه د پاكستاني حكومت لخوا په 17 ټركونو بار كړې شوې 300 ټنه خوراكي توكي افغانستان ته روان كړي دي۔ د پاک افغان تعاون فورم (پی اے سی اېف) چېئرمېن حبیب اللہ خان خټک په پاک افغان پوله طورخم د خبري كنفرنس په مهال ووئيل افغانان زمونږ مسلمانان ورونړا او ګاونډيان دي كومو سره چې مونږ د پیړو راهيسې خپلولي لرؤ۔ هغه ووئيل 40 كلنې اوږدې جګړې د افغانستان معيشت ٬ كركيله او انتظامي بنيادي اډانه سخته ځپلې ده او د نړيوالو مرستيالو ادارو ناڅاپي وتلو ټوله وداني خطر سره مخ كړې ده۔ د تېر كال اوچ كالۍ ستونزې لا سوا كړي دي چې په نتيجه كِښې ئې د بشري كړكېج خطره ده۔ كه دې پلو بشپړه پاملرنه ونكړې شوه نو دا به د بشري تباهۍ سبب وګرځي۔ حبيب الله خټك زياته كړه چې پاك افغان تعاون فورم يو ټرسټ دے كوم چې د ضرورت په دې وخت كښې د افغان وګړو مرستې له جوړ كړے شوے دے۔ زمونږ مقصد نه يوازې د افغانستان اولس سره د خوراك څيزونو او داروګانو په صورت كښې فوري مرسته كول دي بلكې په خپلو پښو ودرولو او د خپل هېواد يو سوله ييز ٬ مستحكم او د نړيوالې ورورولۍ ذمه وار غړي جوړولو كښې د دوئي مرسته كول دي۔ هغه ووئيل مونږ د بېلو مخير حضراتو او د پاكستاني حكومت په مرسته د C-130 د لارې د 32 ټنه اوړو ٬ 6 تنه د پخلي تېلو او د دوه ټنه داروګانو انتظام كړے دے۔ دغسې په 17 ټركونو بار د 300 ټنه خوراكي توكو يوه قافله افغانستان ته لېږو۔ په دغه سامان كښې 65 ټنه چینی ، درې ټنه دالونه ٬ 190 ټن اوړه ، 11 ټنه د پخلي تېل او 31 ټنه وريژې شامل دي۔ دا دې نېك مقصد پلو پورته كړے شوے اولنے ګام دے۔ هغه هيله ولرله چې په راروانو ورځو كښې به د زده كړو ٬ روغتيا او معيشت په څانګو كښې دا مرسته لا سوا شي۔ هغه ووئيل د افغانستان اولس لپاره د طورخم د لارې د 17 ټركونو مرستې پېكج په وركولو خوشحاله يؤ۔ دا پیكج د افغانستان اولس لپاره يو ښكاره پېغام دے چې پاكستانې اولس او حكومت به په دې سخت وخت كښې دوئي كله يوازې نه پرېږدي۔ دا نړۍ لپاره هم يو پېغام دے چې د “انتظار وكړۍ او ګورۍ” پالېسۍ خپلولو په ځائې د دې بې وزله طبقو مرستې له راوړاندې شۍ۔ هغه د ټولو ملګرو ٬ تنظيمونو او حكومتي عهدېدارانو مننه وكړه كومو چې په دې لړ كښې مرسته كړې او د مرستې دا قافله ئې د پولې د لارې منتقل كړې۔ هغه ووئيل پاكستان د ګردې نړۍ ټولو مخير شخصياتو ته اپيل كړے دے چې هغوي وړاندے راشي او د بشري كړكېج نه بچ كېدو له د پراخا عطيو د لارې مرسته وكړي۔ وروستو په جلال آباد كښې د پاكستان فونصل جنرل عابد الله او ريجنل هېلت منسټر آف انډسټريز اېنډ پرائېوټ سېكتر مولوی مبارز د خوراكي توكو ټركونه وصول كړل او د افغان اولس په مرسته كولو ئې د پاكستان حكومت او د پاك تعاون فورم (پي اے سي اېف) مننه وكړه
پاکستان افغان وګړو لپاره 300 ټنه خوراکي توکي د بشري مرستې په توګه ولیږل
مضمون کا ماخذ : jogos de loteria Nordeste
متعلقہ مضامین
