اسلام آباد 11 مارچ (اے پی پی)د خارجه دفتر وياند زاهد حفيظ چوهدري دا خبره واضحه كړې جې د هند لخوا د خپل امنيت ضرورت څخه د زياتې وسلې په اغستو د منطقې امن او استحكام ته سختې خطرې ورپېښې دي٬پاكستان د كووېډ 19 واكسين اغستو په اړه هند سره كومه دوه اړخيزه لوظ نامه نه ده كړې٬واكسين به هند نه بلكې د واكسينو نړيوال الائنس ګاوي وركوي۔د زيارت په ورځ د اوونيز بريفنګ په مهال د هند لخوا پاكستان ته د كووېډ-19 د 45 ملين خوراكونو وركولو په اړه د پوښتنې په ځواب كښې وياند ووئيل د واكسين نړيوال الائنس ګاوي د كويكس له مخې د پاكستان پشمول ګڼ شمېر هېوادونو ته د واكسين د خوراكونو وركولو وړاندېز كړے ؤ۔د پاك پوځ د (ر)افسر په نيپال كښې د بې دركۍ په اړه وياند ووئيل د پاكستاني حكومت په خواست نيپال د دې معاملې پلټنو لپاره خاص ډله تشكيل كړی وه خو په دې لړ كښې تراوسه كوم پرمختګ نه دے شوے٬وياند ووئيل د دې خبرې ډېر قوي شواهد شته چې د حبيب زاهد په تښتونه كښې د هندي ايجنسو پشمول هندي وګړي ككړ دي كومو چې د رپورټ له مخې حبيب زاهد سره د لومباني په هوائي اډه ملاقات كړے ؤ او هغه لپاره يې د هوټل او ټكټ ريزروېشن كړے ؤ ۔وياند ووئيل د كورنۍ په درخواست د جبري بے دركۍ په اړه يو اېن وركنګ ګروپ هم كيس رجسټرډ كړے۔وياند د هند اړوندو چارواكو ته ووئيل چې هغه د ملګرو ملتونو احترام وكړي او د حبيب زاهد په سمدستي توګه راخوشې كولو لپاره د يو اېن وركنګ ګروپ سره مرسته وكړي۔د يوې پوښتنې په ځواب كښې وياند ووئيل پاكستان تل د افغانستان د سولې عمل له آسانۍ وركړي۔د پاكستان د تعميرې سهولت كارۍ په نتيجه كښې د امريكې او طالبانو د سولې لوظ نامه او د افغانانو ترمينځه خبرې ممكن شوي۔ده ووئيل پاكستان تل دا دريځ لري چې د افغانستان شخړه كوم پوځي حل نه لري٬دا مسئله يوازې د سياسي عمل د لارې حل كېدې شي۔وياند ووئيل پاكستان په دې لړ كښې د امريكې د هڅو هركلے كوي۔د كشمير په اړه وياند ووئيل هند په مقبوضه جمو كشمير كښې د آبادۍ تناسب بدلولو له هڅې كوي۔دې مقصد لپاره هند تراوسه هلته آبادۍ لپاره 3.28 ملين غېر كشميريانو ته جعلي ډوميسائلونه جاري كړي۔وياند ووئيل د داسې ټولو غېر قانوني اقداماتو په سمدستي توګه د منسوخ كولو ضرورت دے۔هند په مقبوضه جمو كشمير كښې د بشري حقونو څخه سختې سرغړونې كوي۔وياند ووئيل د ملګرو ملتونو پشمول نړيواله ټولنه او نړيوال تنظيمونه په مقبوضه كشمير كښې د بشري حقونو څخه سرغړونې په ډاګه كوي۔د يوې پوښتنې په ځواب كښې وياند ووئيل سارك يو مهم سيمه ايز فورم دے او پاكستان د سارك د مشرانو غونډې كولو او دې عمل لپاره پوخ عزم لري۔وياند ووئيل د سارك د مشرانو غونډې په لار كښې د ټولو مصنوعي خنډانو لرې كولو ضرورت دے۔
د هند لخوا د خپل ضرورت څخه د زياتې وسلې په اغستو د منطقې امن او استحكام ته سخت خطرات ورپېښ دي۔د خارجه دفتر وياند اوونيز بريفنګ
مضمون کا ماخذ : لاٹری جیتنے کی حکمت عملی
متعلقہ مضامین
